યુનાઇટેડ અરબ અમીરાતમાં એર ટ્રાવેલ ધીમે ધીમે ફરી ગતિ પકડતું દેખાઈ રહ્યું છે. દેશના Aviation Sectorમાં લગભગ 44.6% ઓપરેશનલ રિકવરી નોંધાઈ છે, એમ UAEની General Civil Aviation Authority (GCAA) દ્વારા જાહેર કરવામાં આવ્યું છે.
માર્ચ 1 થી 12 દરમિયાન દેશના વિવિધ એરપોર્ટ પર મળીને લગભગ 14 લાખ મુસાફરોની અવરજવર નોંધાઈ, જે દર્શાવે છે કે હવાઈ મુસાફરી ફરીથી સ્થિરતા તરફ આગળ વધી રહી છે.
આ જ સમયગાળા દરમિયાન UAEના હવાઈ ક્ષેત્રમાં 7,839 જેટલી ફ્લાઇટ મૂવમેન્ટ્સ નોંધાઈ હતી, જે દેશના એર ટ્રાફિકમાં ફરીથી વધારો થતો હોવાનો સંકેત આપે છે.
UAEના આર્થિક અને પ્રવાસન મંત્રી Abdulla bin Touq Al Marriએ જણાવ્યું હતું કે મુસાફરોની સુરક્ષા હંમેશા સરકારની પ્રથમ પ્રાથમિકતા છે. તેમણે ઉમેર્યું કે Aviation Sectorએ આ પડકારજનક સમયને જવાબદારી અને વ્યાવસાયિકતા સાથે સંભાળ્યો છે.
મંત્રીએ જણાવ્યું કે દેશનો Aviation System એક સ્પષ્ટ અને સુવ્યવસ્થિત વ્યવસ્થામાં કામ કરી રહ્યો છે, જેમાં સુરક્ષા, સંકલન અને તૈયારીને સૌથી વધુ મહત્વ આપવામાં આવે છે.
સાથે સાથે UAEએ GCC દેશો સાથે સુરક્ષિત હવાઈ કોરિડોર (Safe Air Corridors) પણ શરૂ કર્યા છે, જેના કારણે હવાઈ ટ્રાફિક ધીમે ધીમે ફરી શરૂ થઈ રહ્યો છે. હાલ દેશ પ્રતિ કલાક લગભગ 48 ફ્લાઇટ્સ ચલાવવાની ક્ષમતા તરફ આગળ વધી રહ્યો છે.
અધિકારીઓએ મુસાફરોને સલાહ આપી છે કે એરપોર્ટ પર જવાના પહેલા તેઓ એરલાઇન્સ દ્વારા જાહેર કરવામાં આવતા તાજા અપડેટ્સ અને ફ્લાઇટ માહિતી ચેક કરે.
તે ઉપરાંત, GCAA દ્વારા વિશેષ ફ્લાઇટ ઓપરેશન્સ પણ શરૂ કરવામાં આવ્યા છે જેથી ફ્લાઇટ વિક્ષેપોના કારણે અટવાઈ ગયેલા મુસાફરોને સુરક્ષિત રીતે પોતાના ગંતવ્ય સુધી પહોંચાડવામાં મદદ મળી શકે.
આ તમામ પગલાં UAEના Aviation Sectorને વધુ મજબૂત બનાવવાની સાથે મુસાફરોની સુરક્ષા અને સુવિધા બંનેને સુનિશ્ચિત કરવા માટે લેવામાં આવી રહ્યા છે.
Leave a comment