ઇસ્લામાબાદમાં અમેરિકો અને ઈરાન વચ્ચે ચાલેલી 21 કલાક લાંબી મેરેથોન ચર્ચા અંતે કોઈ સમજૂતી વિના પૂર્ણ થઈ છે. દુનિયાભરની નજર આ બેઠક પર હતી, કારણ કે ઘણા લોકો માનતા હતા કે આ બેઠક મધ્યપૂર્વમાં શાંતિ તરફ મોટું પગલું સાબિત થઈ શકે. પરંતુ અંતિમ પરિણામે ફરી એકવાર તણાવ વધવાની શક્યતા ઉભી કરી છે.
અમેરિકી પ્રતિનિધિમંડળનું નેતૃત્વ વાઇસ પ્રેસિડેન્ટ 𝐉𝐃 𝐕𝐚𝐧𝐜𝐞એ કર્યું હતું. તેમણે સ્પષ્ટ કહ્યું કે ઈરાન તરફથી પરમાણુ હથિયાર બનાવવાની દિશામાંથી સંપૂર્ણપણે પાછું ફરવાનો સ્પષ્ટ વચન મળ્યું નથી. અમેરિકાનું માનવું છે કે આ જ ચર્ચાનો મુખ્ય મુદ્દો હતો, અને એમાં પ્રગતિ ન થતા કોઈ કરાર થઈ શક્યો નહીં.
બીજી તરફ ઈરાને અમેરિકાની માંગણીઓને અયોગ્ય ગણાવી છે. તેહરાનનું કહેવું છે કે વર્ષોથી લાગેલા પ્રતિબંધો હટાવવા, યુદ્ધથી થયેલા નુકસાનનું વળતર અને લેબનનમાં ઈઝરાયેલની કાર્યવાહી રોકવા જેવા મુદ્દા પણ એટલા જ મહત્વપૂર્ણ છે.
ચર્ચા દરમિયાન 𝐒𝐭𝐫𝐚𝐢𝐭 𝐨𝐟 𝐇𝐨𝐫𝐦𝐮𝐳નો મુદ્દો પણ તણાવનું કેન્દ્ર રહ્યો. આ જળમાર્ગમાંથી વિશ્વનો મોટો તેલ વેપાર પસાર થાય છે. અમેરિકાએ પોતાના યુદ્ધજહાજોની હાજરી બતાવી દબાણ વધાર્યું, જ્યારે ઈરાને તેનો વિરોધ કર્યો.
લેબનનનો મુદ્દો પણ મોટો અવરોધ બન્યો. ઈરાન ઈચ્છે છે કે ત્યાં પણ સીઝફાયર લાગુ થાય, જ્યારે અમેરિકા અને ઈઝરાયેલ એ મુદ્દે તૈયાર દેખાતા નથી.
હવે સૌથી મોટો પ્રશ્ન એ છે કે બે અઠવાડિયાનો સીઝફાયર ટકી રહેશે કે નહીં. જો નવી ચર્ચા જલદી શરૂ નહીં થાય તો ફરી હુમલાઓ, તેલ બજારમાં ઉથલપાથલ અને સમગ્ર મધ્યપૂર્વમાં અસ્થિરતા વધવાની ભીતિ છે.
પાકિસ્તાન મધ્યસ્થ તરીકે બંને પક્ષોને ફરી ચર્ચા માટે તૈયાર કરવાનો પ્રયાસ કરી રહ્યું છે, પરંતુ હાલ પરિસ્થિતિ અત્યંત નાજુક છે.
𝐄𝐝𝐢𝐭𝐨𝐫’𝐬 𝐕𝐢𝐞𝐰𝐬 :આ ચર્ચા ઇતિહાસ રચી શકતી હતી, પરંતુ હાલ તે એક મોટી રાજનૈતિક નિષ્ફળતા તરીકે જોવામાં આવી રહી છે. હવે આગામી થોડા દિવસો નક્કી કરશે કે પ્રદેશ શાંતિ તરફ જશે કે ફરી યુદ્ધની આગ ભભૂકી ઊઠશે.
𝐂𝐡𝐢𝐞𝐟 𝐄𝐝𝐢𝐭𝐨𝐫 – 𝐀𝐬𝐡𝐢𝐬𝐡 𝐏𝐚𝐢𝐣𝐚
Review Overview
The Pros
Colors Size StyleThe Cons
Expensive Duration quality- Design100%
- Speed80%
- Saving90%
- Features90%
Leave a comment