વૈશ્વિક તણાવ વચ્ચે પણ ભારત તરફથી એક મહત્વપૂર્ણ અપડેટ સામે આવ્યું છે, જે LPG સપ્લાય અંગે ચિંતા દૂર કરે છે.
હોર્મુઝ સ્ટ્રેટમાંથી અત્યાર સુધી ભારતના 8 LPG જહાજો સફળતાપૂર્વક પસાર થઈ ચૂક્યા છે, અને એક વધુ જહાજ હાલમાં માર્ગદર્શનની રાહ જોઈ રહ્યું છે.
“Green Asha” નામનું જહાજ, જેમાં 15,400 ટન LPG ભરાયેલું હતું, રવિવારે સફળતાપૂર્વક જળમાર્ગ પાર કર્યું. તે પહેલાં “Green Sanvi” નામનું જહાજ, જેમાં 46,650 ટન LPG અને 25 ક્રૂ સભ્યો હતા, પણ સુરક્ષિત રીતે પસાર થઈ ગયું છે અને ટૂંક સમયમાં ગુજરાતના દહેજ બંદરે પહોંચવાની અપેક્ષા છે. હાલમાં અરેબિયન ગલ્ફ વિસ્તારમાં 17 ભારતીય જહાજો અને 460 સમુદ્રી કર્મચારીઓ હાજર છે, અને તમામ સુરક્ષિત હોવાનું સરકારે સ્પષ્ટ કર્યું છે. સરકારએ લોકોને ખાતરી આપી છે કે દેશમાં LPGની કોઈ અછત નથી —દિવસે લગભગ 1 લાખ 5 કિલો LPG સિલિન્ડર વેચાઈ રહ્યા છે.
સાથે જ તમામ રિફાઇનરીઝ સંપૂર્ણ ક્ષમતા સાથે કાર્યરત છે અને પેટ્રોલ પંપ પર પણ પૂરતો સ્ટોક ઉપલબ્ધ છે. સરકારે ખાસ અપીલ કરી છે કે લોકો પેનિક ખરીદી (panic buying) ન કરે. ગેરકાયદેસર સંગ્રહ અને બ્લેક માર્કેટિંગ સામે પણ કડક કાર્યવાહી કરવામાં આવી રહી છે — છેલ્લા સમયમાં 50,000થી વધુ સિલિન્ડર જપ્ત કરવામાં આવ્યા છે. LPG સપ્લાયને મજબૂત બનાવવા માટે સરકારે મોટા શહેરોમાં પાઈપડ નેચરલ ગેસ (PNG) અને વાહન માટે CNGના ઉપયોગને પણ પ્રોત્સાહન આપ્યું છે. અધિકારીઓએ જણાવ્યું કે PNG અને CNG બંને 100% સપ્લાય સાથે ઉપલબ્ધ છે, જેથી કોઈ મુશ્કેલી ન પડે.
𝐔𝐀𝐄 𝐓𝐢𝐦𝐞𝐬 𝐆𝐮𝐣𝐚𝐫𝐚𝐭𝐢 – નોંધ :આ પરિસ્થિતિ દર્શાવે છે કે વૈશ્વિક તણાવ વચ્ચે પણ ભારત પોતાની ઊર્જા સુરક્ષાને મજબૂત રાખવામાં સફળ છે. લોકો માટે સૌથી મહત્વપૂર્ણ છે કે શાંતિથી રહે અને અફવાઓથી દૂર રહે.
Review Overview
The Pros
Colors Size StyleThe Cons
Expensive Duration quality- Design100%
- Speed80%
- Saving90%
- Features90%
Leave a comment